Nánar

Skoðað: 11318

Hvað er vefstudd tónfræðakennsla?

Hér er um nýjungu að ræða í tónfræðakennslu þar sem nútíma upplýsingatækni er nýtt til að gera námið skilvirkara og skemmtilegra. Tónfræðakennslan er ekki aðeins tónfræði heldur er hún einnig tónheyrn, hlustun og tónsköpun. Allar þessar greinar haldast í hendur til að gera námið sem árangursríkast. Námsefni sem farið er í er samkvæmt aðalnámsskrá sem útgefin er af menntamálaráðuneytinu. Eftir ákveðna áfanga sem nefnast lotur getur nemandi
þreytt próf úr grunnnámi og miðnámi tónfræða.

Námsefni

Allt námsefni er á netinu, hljóð, margmiðlun, nótur, verkefni og gagnvirk próf. Nám þetta er einingabært í framhaldsskólum og grunnskólum. 

Sjálfsnám

Kjósi nemandi svo getur hann stundað námið sjálfur og þarf ekki að mæta í tónfræðatíma. Hann getur þó sótt aðstoð til einkakennara eða tónfræðakennara með lausnir á verkefnum. Kennarar hafa aðgang að lausnum á netinu. Nemandi skal láta Tónlistarskóla Árbæjar vita kjósi hann að fara þessa námsleið.

Áfangapróf

Eftir að kennari hefur merkt upp svokallaðan gátlista um hvort nemandi hafi lokið verkefnum getur nemandinn þreytt áfangapróf við skólann að grunn- eða miðprófi.

Aðgangsorð

Nemandi fær aðgangsorð að vefnum og getur leitað aðstoðar vefstjóra með þau vandamál sem kynnu að geta komið upp.

Umsókn

Sækja þarf um á umsóknareyðublaðinu um tónfræðiáfanga (aðeins einn í einu) og eru tímarnir nemendum Tónlistarskóla Árbæjar að kostnaðarlausu. 

Verð fyrir skólaárið er 22.000,- og greiðist í gegnum Sportabler.

Nánar

Skoðað: 10575

Í söngnáminu er farið í söngtækni, raddbeitingu, textatúlkun, tjáningu og kenndar eru  upphitunar-og söngæfingar. Farið er ítarlega í öndun og stuðning. 

Kennd er míkrafón tækni og framkoma. Lögð er áhersla á að nálgast nemendur á þeirra áhugasviði og byggja námið upp út frá því, söngnámið er því mjög einstaklingsmiðað.

Nemendur koma fram á jóla- og vortónleikum skólans og einnig minni tónleikum og með því styrkjast nemendur mikið í sviðsframkomu. Söngdeildin heldur líka söngdeildartónleika þar sem nemendur hittast, flytja lög sem er verið að vinna með og kynnast öðrum úr deildinni.

Í boði er heilt söngnám en þá mæta nemendur einu sinni í viku í 50 mínútur.

Einnig er í boði hálft nám en þá mæta nemendur einu sinni í viku í 30 mínútur.

Í boði er fyrir söngnemendur að taka þátt í samspilum tónlistarskólans en þau eru starfrækt í Krókhálsi, Ingunnarskóla og Norðlingaskóla. Þar læra nemendur samvinnu með hljóðfæraleikurum og hafa samspilin komið víða fram og spilað. 

Miðað er við að nemendur séu í 8.bekk eða eldri.

Kennari er Erla Stefánsdóttir.

Nánar

Skoðað: 11102

Meginmarkmið forskóla námsins er að undirbúa nemendur sem best undir hljóðfæranám.  

Hvar fer kennslan fram?

Forskólakennslan fer fram í Ingunnarskóla, Ártúnsskóla og Árbæjarskóla á venjulegum skólatíma, þ.e.a.s. þá sækja börn námið úr kennslustundum eða strax að loknum skóla. Kennt er einu sinni í viku í 50 mínútur í senn. Nemendur eru nokkur saman í hóp.     

Fyrir hverja er námið?

Forskóli er æskilegt nám fyrir nemendur í fyrsta og öðrum bekk grunnskóla en ekki nauðsyn. Forskóli 1 miðast við börn í fyrsta bekk grunnskóla. Forskóli 2 er framhald af Forskóla 1 og miðast við börn í öðrum bekk í grunnskóla.

Uppbygging náms

Uppistaða námsins er tónlistariðkun með ýmsum aðferðum s.s. söng, hreyfingu, slagverksleik, hlustun, tónlistarleikjum og sköpun. Börnin kynnast hinum ýmsu hljóðfærum, læra grunnatriðin í tónfræði svo sem nótur og ryþma og læra að spila á ukulele. Einnig er lögð mikil áhersla á söng. Andrúmsloftið er létt og skemmtilegt og þörfum hvers og eins nemanda sinnt af bestu getu. Í forskólanum er lítið sem ekkert heimanám og ekki er gerð krafa um að börnin eigi ukulele heldur kemur kennarinn með hljóðfærin í tíma. Forskólahóparnir taka þátt í jóla- og vortónleikum skólans. 

Forskólakennari er Jóhanna Elísa Skúladóttir

Nánar

Skoðað: 18819

Námið

Heilt nám : Einkatímar 2svar í viku (2x25 mín.) Aukagreinar (Tónfræði, tónheyrn, tónlistarsaga, samspil) 1sinni til 2svar í viku.

 Aukagreinar (nema samspil) getur nemandi valið um að mæta í tíma í skólanum eða stunda námið á netinu. Nemandi hefur þar aðgang að sérhönnuðu vefkennsluefni Tónlistarskóla Árbæjar sem tengist getustigi og hljóðfæranámi hans. Eftir ákveðna áfanga þreytir nemandi próf í tónfræðigreinum sem eru í samræmi við aðalnámskrá. Valið er í samspil með tilliti til getu nemanda.

 Hálft nám : Einkatímar 1sinni í viku (30 mín) aukagreinar 1sinni í viku (Tónfræði, tónheyrn, tónlistarsaga, samspil.) Nemandi getur einnig valið vefstudda tónfræðikennslu. Tilvalið fyrir nemendur og forráðamenn þar sem verið er að prófa tónlistarnám, þ.e. hvort það henti nemandanum.

 Kennt er á eftirtalin hljóðfæri við Tónlistarskóla Árbæjar:

 
    * Píanó

    * Gítar

    * Söngur

    * Bassi

    * Hljómborð

    * Þverflauta

    * Saxófónn

    * Rafgítar

Myndræn framsetning á námi við Tónlistarskóla Árbæjar 

Spurt og svarað - Algengar fyrirspurnir um námið

Hvernig og hvar fer kennslan fram?

Kennsla fer fram í Tónlistarskóla Árbæjar, Krókhálsi 5, þriðju hæð, Ingunnarskóla í Grafarholti, Norðlingaskóla og í Selásskóla. Einnig hafa verið kenndir nokkrir tímar í Sæmundarskóla og Ártúnsskóla.

Hvenær byrjar skólinn?

Skoða má starfsáætlun hérhér

Hvað er í boði?

Kennt er samkvæmt aðalnámsskrá tónlistarskóla útgefinni af Menntamálaráðuneytinu með megináherslu á grunn- og miðnám.

Hvaða hljóðfæri er kennt á?

Kennt er á eftirtalin hljóðfæri við Tónlistarskóla Árbæjar:

* Píanó
* gítar
* bassa
* trommur
* hljómborð
* þverflautu
* saxófón
* rafgítar

Söngnám.

Boðið er upp á einkatíma í söng.

Hverjar eru aukagreinarnar?

Tónfræðinám við Tónlistarskóla Árbæjar samanstendur af tónsmíðum, tónfræði, tónlistarsögu, hljóðfærafræði og tónheyrn. Ítarlegur vefstuðningur er við tónfræðanám nemenda. Fullkomnar kennslusíður með myndböndum og fullkomnum margmiðlunarsíðum tryggja skemmtilega og árangursríka kennslu.

Eru hljómsveitir?

Samspilshópar- minni og stærri samspilshópar þar sem hin félagslega hlið tónlistariðkunar er ræktuð. Samleikur og hlustun í mörgum mismunandi hópum s.s. rokksveitir, forskólahópar, þverflautusamspil, píanósamspil, gítarsamspil ofl.

Hvað með tónleika?

Tónleikar og tónfundir. Nokkrir minni tónfundir er haldnir og fara þeir fram í sölum grunnskólanna. Stærri tónleikar s.s. jóla- og vortónleikar eru haldnir í Árbæjarkirkju eða Guðríðarkirkju. 

Hvernig veit ég að námið er fullgilt tónlistarnám?

Allt nám í hljóðfæragreinum miðast við almenna námsskrá og eru þreytt stigspróf við skólann. Þeir nemendur sem ekki taka stigspróf taka vorpróf. Verkefni og próf eru haldin í aukagreinum.

Hvaða námsleiðir er boðið upp á?

Heilt nám : Einkatímar 2svar í viku (2x25 mín.) Aukagreinar (Tónfræði, tónheyrn, tónlistarsaga, samspil) 1sinni til 2svar í viku. Aukagreinar (nema samspil) getur nemandi valið um að mæta í tíma í skólanum eða stunda námið á netinu. Nemandi hefur þar aðgang að sérhönnuðu vefkennsluefni Tónlistarskóla Árbæjar sem tengist getustigi og hljóðfæranámi hans. Eftir ákveðna áfanga þreytir nemandi próf í tónfræðigreinum sem eru í samræmi við aðalnámskrá. Valið er í samspil með tilliti til getu nemanda.

Hálft nám : Einkatímar 1sinni í viku (30 mín) aukagreinar 1sinni í viku (Tónfræði, tónheyrn, tónlistarsaga, samspil.) Nemandi getur einnig valið vefstudda tónfræðikennslu. Tilvalið fyrir nemendur og forráðamenn þar sem verið er að prófa tónlistarnám, þ.e. hvort það henti nemandanum.

Hvernig sæki ég um?

Sótt er um nám hér 

Spurt um píanónám

Þar sem við eigum ekki píanó og höfum ekki hug á að kaupa, langar mig til að spyrja: Er ekki nauðsynlegt að eiga sjálfur píanó svo að hægt sé að æfa sig heima ? Er kannski möguleiki á að æfa sig td. á rafmagnspíanói eða hljómborði?

Svar:

Fyrir utan að vera augljóslega mun hagkvæmara fjárhagslega, en slík tæki þurfa ekki að vera mjög dýr, þá er það einnig kostur fyrir nemendur að geta æft sig með heyrnartólum og valda þannig litlu ónæði t.d. í fjölbýlishúsum.Þegar líður á námið og verkin taka að þyngjast eykst samt nauðsyn þess að nemandi hafi aðgang að venjulegu píanói.
Það er ekki nauðsynlegt fyrst um sinn að eiga fullbúið píanó. Til eru góð rafmagnspíanó sem gott getur verið að byrja námið á. Ef sú leið er valin mælum við með að hljómborðið sé með venjulegum píanóáslætti. Fyrir utan að vera augljóslega mun hagkvæmara fjárhagslega, en slík tæki þurfa ekki að vera mjög dýr, þá er það einnig kostur fyrir nemendur að geta æft sig með heyrnartólum og valda þannig litlu ónæði t.d. í fjölbýlishúsum. Þegar líður á námið og verkin taka að þyngjast eykst samt þörfin á því að nemandi hafi aðgang að venjulegu píanói.