Nánar

Skoðað: 5801

Langar þig að spila í hljómsveit? Syngja, spila á gítar, hljómborð, bassa eða trommur? Önnur hljóðfæri eru að sjálfsögðu líka velkomin.

Tónlistarskóli Árbæjar, í samstarfi við Félagsmiðstöðina Holtið í Norðlingaholti, mun standa fyrir hljómsveitastarfi í Mest húsinu í vetur.

Engrar fyrri reynslu af hljómsveitarspili er krafist en þó er æskilegt að þátttakendur hafi minniháttar hljóðfærakunnáttu. Á haustönn 2016 munu hljómsveitaræfingar (1 klst.) fara fram á föstudögum á milli kl. 14 og 17 - fjöldi hópa fer eftir skráningu. Umsjónarmaður hljómsveita verður bassaleikarinn Sigmar Þór Matthíasson. Sigmar býr yfir margra ára reynslu af samspilskennslu og hljómsveitastarfi. Auk þess munu sérhæfðir söng- og hljóðfærakennarar líta inn á æfingar til leiðbeinslu. 

Umsóknir sendist á tölvupósti á This e-mail address is being protected from spambots. You need JavaScript enabled to view it.. Þar skal koma fram nafn, kennitala og bekkur nemanda. Frístundakort Reykjavíkurborgar má nota til greiðslu þáttökugjalda. Upplýsingar um verð og aðra tilhögun má finna á heimasíðu Tónlistarskóla Árbæjar. Birt með fyrirvara um þáttöku.

Nánar

Skoðað: 5895

Tónlistarskóli Árbæjar býður upp á nám  um notkun tölva í tónlistarsköpun. Námskeiðið hefst  haustið  2016.

Námið er hugsað fyrir byrjendur jafnt sem lengra komna.

Kennt verður eftir skólatíma.  

Hópurinn kemur til með að taka upp hljóð, hlaða þeim í tölvu og vinna úr þeim skemmtilega tónlist undir handleiðslu tveggja reyndra kennara.

Notast verður við eftirfarandi opinn hugbúnað: Reaper, Audacity og Soundtrap.
Nemendur þurfa hvorki að hafa reynslu af tónlist né að eiga nein tæki til tónsköpunar.

Öll tæki og tól eru á staðnum, en gott er ef nemendur eiga eða hafa afnot af fartölvum eða snjalltækjum að hafa þær með.

Kennslan fer fram á Krókhálsi 5 - Tónfræðistofu. 

Birt með fyrirvara um breytingar.

Kennarar eru Hafdís Bjarnadóttir og Helgi Reynir Jónsson sem bæði hafa víðtæka þekkingu og reynslu á notkun tölva í tónlistarsköpun. 

Nánar

Skoðað: 9075

Gítarnám fyrir byrjendur og styttra komna!

Tónlistarskóli Árbæjar býður upp á gítarám fyrir byrjendur og styttra komna nú á haustönn. Kennt er í litlum hóptímum (4 saman í hóp) í umsjón gítarkennara. Hver tími er ein kennslustund (40 mín)

Kennslan fer fram á eftirtöldum stöðum: Ingunnarskóla, Norðlingaskóla og í Krókhálsi.

Í tímum eru notaðir gítarar í hæfilegri stærð fyrir yngri nemendur.  Sameiginleg verkefni eru unnin í tímum.

Námskeiðið notast við speglaða kennslu, (flipped classroom)  þ.e. námsefni er tekið upp á myndband fyrir nemendur. Þeir geta svo nálgast kennsluefnið á vefsíðu námskeiðsins.  Einnig fá nemendur kennsluefni í tímum.

Markmið námsins er fyrst og fremst að nemendur getið spilað einföld lög og æfingar en minni áhersla á nótnalestur.

Leiðbeinandi aldur er 8 ára og eldri. (Yngri nemendum er bent á forskóla Tónlistarskóla Árbæjar).

Stefnt er að því  að tímarnir verði sem fyrst eftir skólatíma. Ef unnt reynist að koma námskeiði fyrir á skólatíma mun það gert í samráði við foreldra og umsjónarkennara.

Námskeiðið er tilvalið fyrir börn sem sýnt hafa hljóðfæranámi áhuga og fá þannig tækifæri til að kynnast hljóðfæranámi  í raun.

Umsóknir sendist á tölvupósti á This e-mail address is being protected from spambots. You need JavaScript enabled to view it.   Þar skal koma fram nafn, kennitala, bekkur og skóli nemanda.

Frístundakort Reykjavíkurborgar má nota til greiðslu þáttökugjalda.

Birt með fyrirvara um þáttöku.

Nánar

Skoðað: 9629

Undraheimar píanósins!  

Píanónám fyrir byrjendur og styttra komna! 

Kennt er í litlum hóptímum (4 saman í hóp). Hver tími er ein kennslustund (40 mín)

Kennslan fer fram í Árbæjarskóla

Kennari er Íris Ragnhildardóttir. 

ATHUGIÐ: Takmarkaður fjöldi þáttakenda

Nánar um námskeiðið: 

Í tímum er notast er við rafpíanó með eðlilegum áslætti. Hver nemandi er með eitt píanó og heyrnartól. Kennari hefur aðgang að heyrnartólum nemenda til að aðstoða.  Námskeiðið notast við speglaða kennslu, (flipped classroom)  þ.e. námsefni er tekið upp á myndband fyrir nemendur. Þeir geta svo nálgast kennsluefnið á vefsíðu námskeiðsins.  

Markmið námsins er fyrst og fremst að nemendur getið spilað einföld lög og æfingar en minni áhersla á nótnalestur.

Leiðbeinandi aldur er 8 ára og eldri. (Yngri nemendum er bent á forskóla Tónlistarskóla Árbæjar). Námskeiðið er tilvalið fyrir börn sem sýnt hafa hljóðfæranámi áhuga og fá þannig tækifæri til að kynnast náminu í raun.

Umsóknum má skila hér : SÆKJA UM  (sækið eftirfarandi námsgrein: Píanó fornám Árbæjarskóla, Krókhálsi )

Frístundakort Reykjavíkurborgar má nota til greiðslu þáttökugjalda.

Birt með fyrirvara um þáttöku.