Kæru nemendur og forráðamenn
Við í Tónlistarskóla Árbæjar eigum nú spennandi tímamót fram undan – skólinn er að flytja!
Eftir 12 góð ár að Krókhálsi 5 er komið að því að við flytjum starfsemina í nýtt og glæsilegt húsnæði: Tónhyl, að Stangarhyl 7 í Árbænum. Við erum afar þakklát fyrir tímann hér í Krókhálsi, en nú er komið að nýjum kafla í sögu skólans. 
Kennslan í grunnskólunum heldur áfram með óbreyttu sniði og nemendur þurfa ekki að hafa neinar áhyggjur af breytingum þar. Flutningarnir sjálfir fara fram í lotum og þeim verður að fullu lokið fyrir 1. júní. Einhverjir tímar fara fram í lok þessarar annar en kennarar munu láta nemendur sína vita ef svo er.
Tónhylur er sérstaklega hannað húsnæði fyrir tónlistarstarfsemi. Þar má finna fjölbreytt hljóðver, samspilsrými og vel útbúnar kennslustofur – umgjörð sem opnar fyrir enn fleiri möguleika í námi og sköpun.
Við hlökkum mikið til að taka á móti nemendum okkar í þessu nýja og spennandi umhverfi og halda áfram að efla tónlistarþekkingu og gleði með ykkur öllum.
Með bestu kveðju,
Stefán Stefánsson
skólastjóri Tónlistarskóla Árbæjar
